رائیونڈ ! پھل فروش سے جھگڑے کا معاملہ،تشدد کا شکار دوسرا زخمی بھی دم توڑ گیا

08-24-2025

(لاہور نیوز)رائیونڈ میں پھل فروش سے جھگڑے میں زخمی ہونے والا دوسرا نوجوان بھی چل بسا۔

رپورٹ کےمطابق گزشتہ روز رائیونڈ کے علاقے میں پھل کی خریداری کے دوران ریٹ پر 30 روپے پرجھگڑا ہوا،جس پرپھل فروش نے اپنے ساتھیوں کی مدد سے واجد اور راشد پر تشدد کیا تھا۔ تشدد کا شکارواجد نامی شخص پہلے ہی ہسپتال میں دم توڑ گیا تھا جبکہ راشد کو انتہائی تشویشناک حالت میں ہسپتال منتقل کیا گیا جہاں وہ زندگی اور موت کی کشمکش میں مبتلا رہنے کے بعد آخر کار دم توڑ گیا۔ واضح رہے کہ دونوں بھائیوں کا دودھ کا کاروبار تھا اور کوٹ رادھا کشن کے رہائشی تھے،واقع کا مقدمہ مقتولین کے والد کی مدعیت میں تھانہ رائیونڈ سٹی میں درج ہے۔  پولیس نے کارروائی کرتے ہوئے تیمورنامی ایک ملزم کو گرفتار کرلیا ہے جبکہ دوسرے ملزم اویس کی گرفتاری کیلئے چھاپے مارے جارہے ہیں۔