سیلز ٹیکس، فیڈرل ایکسائز ڈیوٹی کے گوشوارے جمع کرانے کی تاریخ میں توسیع

08-23-2025

(لاہور نیوز) ایف بی آر نے سیلز ٹیکس اور فیڈرل ایکسائز ڈیوٹی گوشوارے جمع کرانے کی تاریخ میں توسیع کر دی۔

سال 2025 کے ٹیکس گوشوارے اب 26 اگست تک جمع کرائے جا سکیں گے، فیڈرل بورڈ آف ریونیو  نے اس حوالے سے نوٹیفکیشن بھی جاری کر دیا ہے۔ اس سے پہلے ریٹرنز جمع کرانے کی تاریخ  18 اگست مقرر تھی، ایف بی آر کے مطابق تاریخ میں توسیع سے فائدہ اٹھانے کے لئے واجب الادا سیلز ٹیکس جمع کرانا لازمی ہو گا، سیلز ٹیکس کے واجبات مقررہ تاریخ کے اندر ادا کرنا ہوں گے۔