پنجاب حکومت کا سرکاری میڈیکل کالجز میں ایم بی بی ایس کی 475 سیٹیں بڑھانے کا فیصلہ

08-22-2025

(لاہور نیوز) ایم بی بی ایس میں داخلے کے خواہاں سٹوڈنٹس کیلئے اچھی خبر، پنجاب حکومت نے سرکاری میڈیکل کالجز میں ایم بی بی ایس کی 475 سیٹیں بڑھانے کا فیصلہ کر لیا۔

پنجاب حکومت نے سرکاری میڈیکل کالجز میں سیٹیں بڑھانے کیلئے پی ایم ڈی سی سے استدعا کر دی، سروسز انسٹی ٹیوٹ آف میڈیکل سائنسز میں 50 سیٹیں، امیر الدین میڈیکل کالج، نشتر میڈیکل کالج میں بھی 50، 50 سیٹیں بڑھانے کی استدعا کی گئی ہے، اس کے علاوہ پنجاب میڈیکل کالج فیصل آباد، شیخ زید میڈیکل کالج رحیم یار خان میں 50، 50 سیٹوں کے اضافے کی استدعا کی گئی ہے۔ اسی طرح ساہیوال اور گوجرانوالہ میڈیکل کالج میں 50، 50 سیٹیں بڑھانے، ڈی جی خان میڈیکل کالج میں 30 سیٹوں، کنگ ایڈورڈ میڈیکل کالج ،قائد اعظم میڈیکل کالج اور سرگودھا میڈیکل کالج میں 25، 25 سیٹوں جبکہ خواجہ صفدر میڈیکل کالج سیالکوٹ میں 20 سیٹوں کے اضافے کی استدعا کی گئی ہے۔  یاد رہے کہ پی ایم ڈی سی سے رواں سال میں سیٹیں بڑھانے کی استدعا کی گئی ہے۔