صدر آصف زرداری کی شہید میجر رضوان طاہر کے گھر آمد، اہلخانہ سے اظہارِ یکجہتی

08-21-2025

(لاہور نیوز) صدرِ مملکت آصف زرداری نے کہا ہے کہ میجر رضوان نے فرض کی راہ میں جان قربان کر کے شہادت کی عظیم مثال قائم کی۔

صدرِ مملکت آصف زرداری آج شہید میجر رضوان طاہر کے گھر گئے، جہاں انہوں  نے شہید میجر رضوان طاہر کے اہلخانہ سے اظہار یکجہتی کیا۔   میجر رضوان طاہر  نے نوشکی آپریشن میں آئی ای ڈی دھماکے کے نتیجے میں جامِ شہادت نوش کیا، صدر مملکت نے شہید افسر کو خراج عقیدت پیش کیا، کہا میجر رضوان نے جان دے کر قوم کا سر بلند کیا۔ صدر آصف زرداری نے کہا کہ میجر رضوان شہید بہادر اور نڈر افسر تھے، انہوں نے فرض کی راہ میں جان قربان کر کے شہادت کی عظیم مثال قائم کی، شہداء کی قربانیاں رائیگاں نہیں جائیں گی۔