رہائشی سکیموں میں ویسٹ واٹر کی ٹریٹمنٹ کا کوئی ٹھوس میکانزم موجود نہیں، وزیر ہاؤسنگ

08-21-2025

(لاہور نیوز) وزیر ہاؤسنگ و اربن ڈویلپمنٹ بلال یاسین کی زیر صدارت ہڈیارہ ڈرین میں ویسٹ واٹر بغیر ٹریٹمنٹ ڈالنے کی روک تھام بارے اجلاس منعقد ہوا۔

اجلاس میں ڈی جی واسا پنجاب طیب فرید،ڈی جی ایل ڈی اے طاہر فاروق اور آباد ممبروں نے شرکت کی، بریفنگ میں ڈی جی واسا پنجاب نے بتایا کہ ہڈیارہ ڈرین میں انڈسٹری و نجی سکیموں کی جانب سے بغیر ٹریٹمنٹ پانی ڈالا جا رہا ہے، نجی سکیمیں ٹریٹڈ پانی کو دوبارہ اپنے استعمال میں لا سکیں گی، واسا لاہور سمیت دیگر اضلاع میں بھی ویسٹ واٹر ٹریٹمنٹ لگا رہا ہے۔ وزیر ہاؤسنگ  بلال یاسین  نے کہا کہ ویسٹ واٹر ٹریٹمنٹ اور پانی کے ضیاع کی روک تھام بارے ٹھوس میکانزم پر کام کر رہے ہیں، انڈسٹریز اور رہائشی سکیموں سے ویسٹ واٹر پانی کی آلودگی کا باعث بن رہا ہے، ہڈیارہ ڈرین پر مختلف پوائنٹس پر ویسٹ واٹر ٹریٹمنٹ پلانٹس بنانے پر بھی غور کر رہے ہیں۔ انہوں نے مزید کہا کہ ابتدائی طور پر ہڈیارہ ڈرین کے 10 کلومیٹر ایریا کو پائلٹ پراجیکٹ بنایا جائے گا، رہائشی سکیموں میں ویسٹ واٹر کی ٹریٹمنٹ کا کوئی ٹھوس میکانزم موجود نہیں ہے،پی ایچ اے، ہاؤسنگ اسکیموں اور انڈسٹری سے مل کر گرین بیلٹ بنائیں گے۔