لاہور: تاریخی مسجد میں فوٹو شوٹ، ماڈل سمیت فوٹو گرافر کیخلاف مقدمہ درج

08-20-2025

(لاہور نیوز) لاہور کی تاریخی مسجد وزیر خان میں فوٹو شوٹ کرنے پر پولیس نے ماڈل اور فوٹوگرافر کیخلاف مقدمہ درج کر لیا۔

لاہور میں واقع مسجد وزیر خان میں ماڈل عزبیہ خان کے فوٹو شوٹ کی ویڈیو وائرل ہوئی جس پر صارفین نے شدید برہمی کا اظہار کیا۔ صارفین نے مطالبہ کیا تھا کہ مسجد کے تقدس کو پامال کرنے اور لباس کو خاطر میں لائے بغیر وزیر خان مسجد میں داخل ہونے پر ماڈل کیخلاف مقدمہ درج کیا جائے۔ معاملہ سامنے آنے کے بعد تھانہ اکبری گیٹ پولیس نے ماڈل گرل اور فوٹو گرافر کے خلاف والڈ سٹی اتھارٹی کی مدعیت میں مقدمہ درج کر لیا ہے، مقدمہ میں ماڈل عزبیہ خان اور فوٹو گرافرزین شاہ کو نامزد کیا گیا ہے، ایف آئی آر کے متن میں کہا گیا ہے کہ دونوں نے بغیر اجازت صبح سویرے چھپ کر مسجد میں ویڈیو شوٹ کی۔