ایشیاکپ، سہ ملکی سیریز: قومی ٹیم کے ٹریننگ کیمپ کا کل سے دبئی میں آغاز

08-20-2025

(لاہورنیوز)ایشیا کپ 2025 اور ٹرائی نیشن سیریز کی تیاریوں کے سلسلے میں قومی ٹیم کا پری سیریز کیمپ کل سے دبئی میں شروع ہوگا۔

ذرائع کے مطابق قومی ٹیم کے پلیئرز 4 مختلف گروپس کی صورت میں آج دبئی پہنچیں گے، پری سیریز کیمپ 27 اگست تک جاری رہے گا، کیمپ کے دوران 22 اور 25 اگست کو دو انٹرا سکواڈ میچز بھی کھیلے جائیں گے۔ واضح رہے کہ ٹرائی نیشن سیریز کا آغاز 29 اگست سے ہو گا اور فائنل سات ستمبر کو کھیلا جائے گا، جس کے بعد 9 ستمبر سے ایشیا کپ کا آغاز ہو گا۔