لاہور: رواں سال جیب تراشوں نے 13 ہزار سے زائد شہریوں کی جیبیں کاٹ ڈالیں

08-19-2025

(لاہور نیوز) صوبائی دارالحکومت میں جیب تراش بھی کسی سے پیچھے نہ رہے، رواں سال کے دوران 13 ہزار 114 شہریوں کی جیبوں پر ہاتھ صاف کر ڈالا۔

پولیس ریکارڈ کے مطابق جیب تراشی کی وارداتوں میں سٹی ڈویژن 3176 مقدمات کے ساتھ سر فہرست رہا، ماڈل ٹاؤن ڈویژن 2840 وارداتوں کے ساتھ دوسرے نمبر پر ہے۔ صدر ڈویژن کا جیب تراشی کی 2396 وارداتوں کیساتھ تیسرا نمبر رہا، اقبال ٹاؤن ڈویژن میں 1886، سول لائنز ڈویژن میں 1696 مقدمات درج ہوئے۔ اسی طرح کینٹ ڈویژن میں جیب تراشی کی 1120 وارداتیں رپورٹ ہوئیں، جیب تراشی کی وارداتیں پرہجوم مقامات، مزارات، بازاروں اور بس اڈوں میں ہوئیں۔