قتل یا ٹریفک حادثہ: دیت کی رقم میں ہوشربا اضافہ کر دیا گیا

08-19-2025

(لاہور نیوز) حکومت کی جانب سے قتل یا ٹریفک حادثے میں موت کی صورت میں دیت کی رقم میں اضافہ کر دیا گیا ہے۔

قتل کیس میں صلح کے نتیجہ میں دیت کی حیثیت سے دی جانے والی رقم کی مالیت بڑھا دی گئی، پہلے دیت کی رقم 40 لاکھ  روپے تھی جسے اب بڑھا کر 98 لاکھ 28ہزار 670روپے کر دیا گیا ہے، وفاقی حکومت نے قتل کیس میں صلح کے نتیجہ میں  ورثا کو دی جانے والی دیت کی رقم کی مالیت باضابطہ طور پر بڑھائی ہے۔ اسی طرح ٹریفک حادثے میں کسی شخص کے جاں بحق ہو جانے پر بھی 98 لاکھ  سے زائد دیت ادا کرنا ہو گی جبکہ ڈرائیونگ لائسنس نہ ہونے کی صورت میں ڈرائیور کو  دیت کی یہ طے شدہ  مقررہ رقم ورثا کو دینا ہو گی، اس ضمن میں حکومت نے دیت کی رقم کی مالیت کے حوالے سے نیا نوٹیفکیشن جاری کر دیا ہے جس کا فوری اطلاق ہو گا۔