فیلڈ مارشل پاکستان کیلئے اچھی خبریں لا رہے ہیں: فیصل واوڈا

08-18-2025

(لاہور نیوز) سینئر سیاستدان فیصل واوڈا نے کہا ہے کہ فیلڈ مارشل پاکستان کے لیے اچھی خبریں لا رہے ہیں۔

دنیا نیوز کے پروگرام’ دنیا مہر بخاری کے ساتھ‘ میں گفتگو کرتے ہوئے فیصل واوڈا کا کہنا تھا کہ پاکستان ترقی کی طرف گامزن ہو چکا ہے، فیلڈ مارشل کی سربراہی میں ترقی کا تسلسل رہے گا۔ انہوں  نے کہا کہ عالمی سطح پرفیلڈ مارشل کی کارکردگی کو سراہا جا رہا ہے، فیلڈ مارشل پاکستان کے لیے اچھی خبریں لا رہے ہیں جبکہ تجزیہ کار سہیل وڑائچ اپنےطور پر معافی کی تجویز دے رہے ہیں۔ سینئر سیاستدان کا کہنا تھا کہ ہم سب چاہتے ہیں پاکستان ترقی کرے، دہشت گردی کےخلاف آپریشن کوکسی کا باپ بھی نہیں روک سکتا، تحریک انصاف والے آپریشن کیخلاف پروپیگنڈا کریں گے تو یہ نہیں چلے گا۔ ایک اور سوال کے جواب میں فیصل واوڈا نے کہا کہ علی امین گنڈا پور کو بچانے کیلئے حکومت آگئی ہے، پاکستان آ نے پر قاسم اور سلیمان کی زندگیوں کو خطرہ ہو سکتا ہے، ترقی کی راہ میں رکاوٹ ڈالنے والے رگڑ دیئے جائیں گے، منافقت کرنے والوں کو پھر  کہہ رہا کہ وہ سدھر جائیں۔