لاہور:رواں سال چوری کے 36 ہزار، نقب زنی کے 2 ہزار سے زائد مقدمات درج

08-17-2025

(لاہور نیوز) شہر لاہور میں چوروں اور نقب زنوں کا راج برقرار ہے ، شہری نقدی اور قیمتی سامان سے محروم ہونے لگے ہیں۔

رواں سال کے دوران چوری کے 36 ہزار 904، نقب زنی کے 2107 مقدمات درج ہوئے۔ پولیس ریکارڈ کے مطابق چوری کی وارداتوں میں کینٹ ڈویژن 8772 مقدمات کے ساتھ سر فہرست رہا، ماڈل ٹاؤن ڈویژن چوری کی 8522 وارداتوں کے ساتھ دوسرے نمبر پر جبکہ صدر ڈویژن چوری کے 7462 مقدمات کے ساتھ تیسرے نمبر پر رہا۔ سٹی ڈویژن میں 5122، اقبال ٹاؤن ڈویژن میں چوری کے 4370 مقدمات درج کئے گئے، سول لائنز ڈویژن میں رواں سال کے دوران چوری کی 2656 وارداتیں رپورٹ ہوئیں جبکہ نقب زنی کی وارداتوں میں کینٹ ڈویژن 620 مقدمات کے ساتھ سر فہرست رہا۔ اسی طرح ماڈل ٹاؤن ڈویژن نقب زنی کی 482 وارداتوں کے ساتھ دوسرے اور صدر ڈویژن نقب زنی کے 378 مقدمات کے ساتھ تیسرے نمبر پر رہا، سٹی ڈویژن میں 248، اقبال ٹاؤن ڈویژن میں نقب زنی کے 237 مقدمات کا اندراج کیا گیا جبکہ سول لائنز ڈویژن میں نقب زنی کی 142 وارداتیں رپورٹ ہوئیں۔