سینئر اداکار محسن گیلانی نے ساس بہو کے جھگڑے کی وجہ بیان کردی

08-17-2025

(ویب ڈیسک) سینئر اداکار محسن گیلانی نے ساس اور بہو کے درمیان ہونے والے جھگڑوں کی اصل وجہ سے پردہ اٹھا دیا۔

محسن گیلانی نے ایک پروگرام میں  گفتگو کرتے ہوئے کہا کہ اکثر مائیں اپنے بیٹوں کی شادی کرنے میں جلدی کرتی ہیں، اور جب بہو گھر میں آتی ہے تو ساس کو لگتا ہے کہ بیٹا اس سے چھن گیا ہے۔ دوسری جانب لڑکی کی ماں اپنی بیٹی کو مشورہ دیتی ہے کہ شادی کے بعد کوشش کرنا الگ گھر لے لینا، اور یہی سوچ مسائل کو جنم دیتی ہے۔ اداکار نے مزید کہا کہ جب شوہر اپنی بیوی کو وقت دیتا ہے تو ساس کو یہ احساس ہوتا ہے کہ بیٹا اب اس سے دور ہو رہا ہے، یہی رویے اور سوچیں ساس بہو کے رشتے میں تناؤ پیدا کرتی ہیں۔