آج سے مون سون کی شدت بڑھنے امکان، کہاں کہاں بارش ہوگی؟

08-17-2025

(لاہور نیوز) محکمہ موسمیات نے آج سے مون سون بارشوں کی شدت میں اضافے کا امکان ظاہر کیا ہے۔

محکمہ موسمیات نے خبردار کیا ہے کہ آج سے خلیج بنگال پر موجود ہوا کا کم دباؤ مون سون کی سرگرمی کو مزید مضبوط کردے گا جس کی وجہ سے آج سے منگل کے دوران اسلام آباد، پنجاب، خیبر پختونخوا اور کشمیر میں شدید بارشیں ہوسکتی ہیں۔ اسلام آباد، راولپنڈی، مری، گلیات، اٹک، چکوال جہلم، میانوالی، خوشاب، سرگودھا، بھکر، جھنگ، ٹوبہ ٹیک سنگھ، فیصل آباد میں 18 سے 20 اگست تک تیز ہواؤں گرج چمک کے ساتھ بارش کا امکان ہے۔ اس کے علاوہ لاہور، گوجرانوالہ، حافظ آباد، وزیرآباد، سیالکوٹ، نارووال، قصور، اوکاڑہ، پاکپتن، ساہیوال، بہاولنگر، ملتان، بہاولپور، رحیم یار خان اور ڈی جی خان میں 18 سے 20 اگست تک بارشوں کی پیش گوئی کی گئی ہے۔ محکمہ موسمیات کے مطابق کراچی سمیت سندھ اور بلوچستان میں آج سے 22 اگست تک موسلادھار بارش کا امکان ہے۔ دوسری جانب این ڈی ایم اے نے بارشوں، فلیش فلڈ، لینڈ سلائیڈنگ اور کلاوڈ برسٹ سے متاثرہ علاقوں میں سیاحتی پابندیوں کی ایڈوائزری جاری کردی۔ ایڈوائزری کے مطابق ضرورت پڑنے پر دفعہ 144 لگا کر سیاحوں کو ان علاقوں میں جانے سے روکا جائے۔