عالمی و مقامی سطح پر سونے کی قیمتوں میں کمی ریکارڈ

08-15-2025

(لاہور نیوز) عالمی مارکیٹ میں سونے کی قیمتوں میں کمی کے باعث پاکستان میں بھی سونے کے نرخ کم ہو گئے۔

بین الاقوامی بلین مارکیٹ میں فی اونس سونے کی قیمت 10 ڈالر کی کمی سے 3 ہزار 344 ڈالر کی سطح پر آ گئی تاہم پاکستان میں فی تولہ سونے کی قیمت میں ایک ہزار روپے اور دس گرام سونے کی قیمت میں 858 روپے کی کمی ریکارڈ کی گئی ہے۔ قیمتوں میں کمی کے باعث مقامی صرافہ بازاروں میں بھی فی تولہ سونے کی قیمت 3 لاکھ 57 ہزار 100 روپے جبکہ دس گرام سونے کی قیمت 3 لاکھ 6 ہزار 155 روپے ہو گئی۔