برائلر گوشت کی قیمت 595 روپے کلو پر جا کر ٹھہر گئی

08-15-2025

(لاہور نیوز) سستی پروٹین کا ذریعہ غریب کی پہنچ سے دور ہو گیا، منڈیوں میں گرانفروشوں کا راج ہے۔

برائلر گوشت کی قیمت 595 روپے کلو پر جا کر ٹھہر گئی، زندہ برائلر کی قیمت میں بھی کمی نہ ہو سکی، ہول سیل ریٹ 397 روپے، پرچون میں قیمت 411 روپے کلو مقرر ہے۔ انڈوں کی قیمت نیچے آنے لگی، انڈے ایک روپیہ کمی کے بعد 289 روپے کے درجن ہو گئے، پیٹی 8 ہزار 560 روپے میں دستیاب ہے۔ ادھر سبزیوں اور پھلوں کی قیمتوں میں خودساختہ اضافہ جاری ہے، پیاز 100، ٹماٹر 120، لہسن 380، ادرک 620، سبز مرچ 150، لیموں 400 روپے کلو میں فروخت ہو رہے ہیں، ٹینڈے 300، کریلے 200، پالک 160، گوبھی اور شلجم 150، شملہ مرچ 260 روپے کی کلو ہو گئی۔ پھلوں میں کیلا 260 روپے کا درجن، پپیتا 600، سیب 420، آڑو اور آم 400، خوبانی 380، ناشپاتی 350 اور گرما 220 روپے کلو میں دستیاب ہے۔