پرچون مارکیٹ میں برائلر گوشت 700 روپے فی کلو تک بکنے لگا

08-14-2025

(لاہور نیوز) شہری انتظامیہ کیلئے سرکاری ریٹ لسٹوں پر عمل درآمد کروانا ایک بڑا چیلنج بن گیا ہے۔

برائلر گوشت کی سرکاری فی کلو قیمت 595 روپے مقرر ہے، مگر پرچون مارکیٹ میں یہی گوشت 700 روپے فی کلو تک فروخت ہو رہا ہے، اسی طرح فارمی انڈے جو سرکاری طور پر 290 روپے فی درجن مقرر کئے گئے ہیں، مارکیٹ میں 310 روپے میں دستیاب ہیں۔ سبزیوں کی بات کی جائے تو دو اقسام کی قیمتوں میں مزید اضافہ دیکھنے میں آیا ہے، پرچون بازار میں پیاز 100 روپے اور ٹماٹر 120 روپے فی کلو فروخت ہو رہے ہیں، جبکہ لہسن 380، ادرک 620 اور سبز مرچ 160 روپے فی کلو کے حساب سے دستیاب ہیں، دیسی ٹینڈے 300 روپے، آلو 120، کریلے 200، پھول گوبھی 160 اور بھنڈی 200 روپے فی کلو میں فروخت کی جا رہی ہیں۔ پھلوں کی قیمتیں بھی آسمان سے باتیں کر رہی ہیں، سیب 420، گرما 220، آڑو 400، آم اور خوبانی 380، ناشپاتی 350 اور ایرانی کھجور 600 روپے فی کلو دستیاب ہیں، جبکہ درجہ اول کے کیلے 260 روپے فی درجن میں فروخت کئے جا رہے ہیں۔