لاہور کی پہلی ٹورازم شاہراہ ’’واہگہ ہیریٹیج کوریڈور‘‘ کی تعمیر مکمل، افتتاح آج ہو گا

08-14-2025

(لاہور نیوز) لاہور کی پہلی ٹورازم شاہراہ "واہگہ ہیریٹیج کوریڈور" کی تعمیر مکمل ہو گئی، افتتاحی تقریب آج ہو گی۔

روڈ کی افتتاحی تقریب میں وزیراعلیٰ پنجاب مریم نواز اور وزیرداخلہ محسن نقوی شرکت کریں گے۔ واہگہ بارڈر پر پریڈ دیکھنے کیلئے آنے والے ملکی و غیر ملکی سیاحوں کو بھی عالمی معیار کی سفری سہولتیں فراہم ہوں گی۔ واضح رہے کہ قائد اعظم انٹرچینج سے واہگہ بارڈر (زیرو لائن) تک تعمیراتی کام تیزی سے مکمل کیا گیا، 13 کلومیٹر طویل اس منصوبے پر 28 کروڑ 50 لاکھ روپے خرچ کئے گئے، لاکھوں شہریوں کو بہترین سفری سہولت فراہم کرنے کے لئے سڑک کو اطراف سے وسیع کیا گیا۔ دو رویہ ٹورازم شاہراہ 68 فٹ چوڑی ہے جس کے دونوں اطراف 20 فٹ چوڑی سروس روڈز بھی تعمیر ہیں۔