یومِ آزادی: سکولوں میں تقریبات، بچوں کا جوش عروج پر
08-13-2025
(لاہور نیوز) یومِ آزادی پر طلبا و طالبات کا جوش و جذبہ بھی عروج پر ہے، زندہ دلانِ لاہور کے سکولوں اور کالجز میں یومِ آزادی کی مناسبت سے شاندار تقاریب کا انعقاد کیا جارہا ہے، جہاں طلباء کی جانب سے ملی نغمے اور تقاریر سنائی جاتی ہیں۔
لاہور کے مختلف نجی و سرکاری سکولوں میں یوم آزادی کی مناسبت سے تقریبات کے انعقاد کا سلسلہ جاری ہے۔ گزشتہ روز وارث روڈ پر واقع سرکاری سکول میں ہونیوالی تقریب میں سبز و سفید لباس میں ملبوس بچوں نے وطن سے محبت کا اظہار کیا۔ قومی پرچم تھامے بچوں نے ملی نغمے بھی گائے، بچوں کی وطن سے محبت پر دلکش پرفارمنس سے شرکا خوب محظوظ ہوئے۔ اس موقع پر تقریب میں شرکت کرنے والے افراد نے طلبا کی کارکردگی کو سراہا اور کہا کہ یہ ہی بچے کل کا روشن مستقبل ہیں۔