ویسٹ انڈیز نے 202 رنز سے ہرا کر پاکستان سے ون ڈے سیریز جیت لی

08-13-2025

(لاہور نیوز) ویسٹ انڈیز نے پاکستان کو 34 سال بعد ون ڈے سیریز میں عبرتناک شکست دیدی، تیسرے ون ڈے میں پاکستان کو 202 رنز سے شکست ہوئی، میزبان ٹیم نے 1-2 سے سیریز اپنے نام کی۔

ٹرینیڈاڈ کے برائن لارا کرکٹ سٹیڈیم میں ہونیوالے ون ڈے سیزیز کے تیسرے اور فیصلہ کن میچ میں پاکستان کرکٹ ٹیم کے کپتان محمد رضوان  نے میزبان ٹیم کے کپتان شائے ہوپ کو بیٹنگ کی دعوت دی۔ پہلے بیٹنگ کرتے ہوئے ویسٹ انڈیز  نے مقررہ 50 اوورز میں 6 وکٹ پر 294 رنز بنائے، ویسٹ انڈیز کے کپتان شائی ہوپ نے 94 گیندوں پر 120 رنز کی ناقابل شکست اننگز کھیلی، جسٹن گریوز کا بھی بلے سے لاٹھی چارج ، 24 گیندوں پر 43 رنز بنائے۔ نسیم شاہ، ابرار احمد  نے 2، 2 جبکہ محمد نواز اور صائم ایوب نے 1، 1 وکٹ اپنے نام کی۔ 295 رنز کے ہدف کے تعاقب میں پاکستان کی بیٹنگ بری طرح فلاپ ہو گئی اور 92 رنز پر ڈھیر ہو گئی، صائم ایوب، عبداللہ شفیق اور کپتان محمد رضوان صفر پر آؤٹ ہوئے، بابر اعظم بھی صرف 9 رنز بنا سکے، سلمان علی آغا نے 30 اور حسن نواز نے 13رنز بنائے، سلمان علی آغا 30 اور محمد نواز 23 رنز بنا کر نمایاں رہے۔ میزبان ٹیم کی جانب سے جیڈن سیلس  نے 6 وکٹیں لیکر پاکستانی بیٹنگ لائن کے پرخچے اڑا دیئے، گداکیش موتی نے 2 اور روسٹن چیز  نے 1 وکٹ حاصل کی، شائے ہوپ میچ کے بہترین کھلاڑی اور جیڈن سیلس سیریز کے بہترین کھلاڑی قرار پائے۔