کل سے موٹروے پر تمام بڑی گاڑیوں کا داخلہ بند ہو گا

08-12-2025

(لاہور نیوز) 14 اگست جشنِ آزادی اور معرکہ حق کی تقریبات کے باعث موٹروے پولیس نے ٹریفک پلان جاری کر دیا، جس کے تحت موٹروے پر تمام بڑی گاڑیوں کا داخلہ 13 اگست سے بند ہو گا۔

ترجمان موٹر وے پولیس کے مطابق راولپنڈی میں کل 13 اگسٹ دوپہر 12 بجے سے 14اگست صبح 03 بجے تک تمام بڑی گاڑیوں کا داخلہ بند ہو گا۔ جی ٹی روڈ پشاور سے پنڈی آنے والی ہیوی ٹریفک کو سنگجانی کے مقام پر روک دیا جائے گا، اسکے علاوہ جی ٹی روڈ لاہور سے راولپنڈی آنے والی ٹریفک کو ٹی چوک کے مقام پر روک دیا جائے گا۔ علاوہ ازیں پشاور اور لاہور سے براستہ موٹروے آنے والی ہیوی ٹریفک کو لنک روڈ سے اسلام آباد داخلے کی اجازت نہیں ہو گی۔