لاہور: کمرشل گاڑیاں گن پوائنٹ پر چھیننے اور چرانے کی وارداتوں میں اضافہ

08-12-2025

(لاہور نیوز) شہر لاہور میں کمرشل گاڑیاں گن پوائنٹ پر چھیننے اور چرانے کی وارداتیں جاری، رواں سال کے پہلے 7 ماہ کے دوران 10 کمرشل گاڑیاں گن پوائنٹ پر چھین لی گئیں جبکہ 534 کمرشل گاڑیاں چور لے اُڑے۔

پولیس ریکارڈ کے مطابق ماڈل ٹاؤن ڈویژن سے 7، کینٹ ڈویژن سے 2، سٹی ڈویژن سے ایک کمرشل گاڑی چھینی گئی، کمرشل گاڑیاں چوری ہونے کی وارداتوں میں سٹی ڈویژن 128 مقدمات کے ساتھ سر فہرست رہا۔ صدر ڈویژن کمرشل گاڑیاں چوری ہونے کی 118 وارداتوں کے ساتھ دوسرے نمبر پر رہا جبکہ ماڈل ٹاؤن ڈویژن کمرشل گاڑیاں چوری ہونے کے 80 مقدمات کے ساتھ تیسرے نمبر پر رہا۔ اس کے علاوہ سول لائنز ڈویژن سے 72، کینٹ ڈویژن سے 70 کمرشل گاڑیاں چوری ہوئیں، جبکہ اقبال ٹاؤن ڈویژن میں کمرشل گاڑیاں چوری ہونے کی 66 وارداتیں رپورٹ ہوئیں۔ کمرشل گاڑیوں میں بس، ٹرک، ویگن، پک اپ، رکشہ اور دیگر لوڈر گاڑیاں شامل ہیں۔