پاکستان فلور ملز ایسوسی ایشن پر ساڑھے 3 کروڑ روپے جرمانہ عائد

08-12-2025

(لاہور نیوز) آٹے کی قیمتوں میں ملی بھگت سے اضافہ کے کیس میں پاکستان فلور ملز ایسوسی ایشن پر ساڑھے 3 کروڑ جرمانہ عائد کر دیا گیا۔

اپیلیٹ ٹریبونل نے کمپٹیشن کمیشن کا فیصلہ برقرار رکھتے ہوئے  آٹے کی قیمتوں میں ملی بھگت سے اضافے کے کیس کا فیصلہ سنا دیا ہے، جس میں پاکستان فلور ملز ایسوسی ایشن پر ساڑھے 3 کروڑ روپے جرمانہ عائد کرتے ہوئے یہ رقم قومی خزانے میں جمع کرانے کا حکم دیا گیا ہے۔ چیئرمین کمپٹیشن کمیشن کا کہنا ہے کہ بزنس ایسوسی ایشنز کے پلیٹ فارمز کا قیمتوں کو فکس کرنے کیلئے استعمال غیر قانونی ہے، بزنس ایسوسی ایشنز قیمتیں فکس کرنے سے باز رہیں۔