لاہور میں یوم آزادی کی شاندار تقریبات منعقد کرنے کا فیصلہ

08-11-2025

(لاہور نیوز) والڈ سٹی آف لاہور کے زیر اہتمام یوم آزادی کی شاندار تقریبات منعقد کی جائیں گی۔

78ویں یوم آزادی پر تاریخی ورثے کو پہلی بار روشنیوں سے سجایا جائے گا، 13 اگست شام ساڑھے 7 بجے وزیر خان چوک میں خصوصی مشاعرہ ہو گا، لاہور قلعہ، مقبرہ جہانگیر اور شالامار باغ و دیگر مقامات روشنیوں سے جگمگا اٹھیں گے۔ اسی طرح وزیر خان بارہ دری، حضوری باغ، فوڈ سٹریٹ اور اندرون شہر کی عمارتیں بھی سجائی جائیں گی جبکہ موجودہ معرکہ حق میں قوم کی جرأت اور استقامت کو خراج تحسین پیش جائے گا۔ 14 اگست صبح 8 بجے تمام بڑے تاریخی مقامات پر پرچم کشائی کی تقریبات منعقد ہوں گی، لاہور قلعہ رات 12 بجے تک جبکہ شالامار باغ رات 8 بجے تک عوام کیلئے کھلا رہے گا۔ عوام کو یوم آزادی پر خصوصی اوقات میں تاریخی مقامات دیکھنے کے مواقع میسر آئیں گے۔