امریکا سے جلد مختلف شعبوں میں بڑی سرمایہ کاری آئے گی: محمد اورنگزیب

08-11-2025

(لاہورنیوز)وفاقی وزیر خزانہ محمد اورنگزیب نے کہا ہے کہ امریکا سے جلد مختلف شعبوں میں بڑی سرمایہ کاری کی خوشخبری آئے گی۔

تفصیلات کےمطابق اپنے ایک بیان میں محمد اورنگزیب نے کہا کہ امریکا میں تجارتی مذاکرات کے دوران اہم ملاقاتوں میں کامیابی حاصل کی ہے، پاکستان کے ساتھ ٹریڈ ڈیل کو امریکی انتظامیہ نے سراہا ہے۔ امریکا کے دورہ سے واپسی پر وزیرخزانہ نے بتایا کہ درست سمت میں بڑھ رہے ہیں جس کے جلد مثبت نتائج ملیں گے، امریکا سے باہمی مذاکرات کی کامیابی ملک کی بڑی کامیابی ہے۔ انہوں نے کہا کہ ایسے فیصلے کرنا ہوں گے جن سے معیشت میں بہتری آئے، امریکا سے مذاکرات باہمی بنیادوں پر کامیاب ہونے پر خوش ہیں۔