سفارتی سطح پر دنیا نے پاکستان کا ساتھ دیا : ملک احمد خان

08-11-2025

(لاہور نیوز) قائم مقام گورنر پنجاب ملک احمد خان نے کہا کہ بھارت کو کیا جواب دیں، سفارتی سطح پر دنیا نے پاکستان کا ساتھ دیا۔

میڈیا سے گفتگو کرتے ہوئے قائم مقام گورنر پنجاب ملک احمد خان کا کہنا تھا کہ دہشتگرد کی کوئی قومیت نہیں ہوتی، نان سٹیٹ ایکٹرز کسی نہ کسی ایجنسی کیلئے کام کرتے ہیں، بھارت نے مہم جوئی کی اور اس کے دانت کھٹے ہوئے، پاکستان ذمہ دار ملک کے طور پر سامنے آیا، ہم  نے افواج، شہریوں کی قربانیاں دی ہیں، ہم  نے بلوچستان میں دہشتگردوں کو پکڑا، ڈی جی آئی ایس پی آر  نے تمام ثبوت پیش کئے، ہندوستان کو ذمہ داری کا مظاہرہ کرنا چاہئے۔ ملک احمد خان کا کہنا تھا کہ 14 اگست آزادی کا دن ہے، ہم 14 اگست کو عہد تجدید وفا کرتے ہیں، اس دن پر ہمیشہ جھنڈے لگائے، جھنڈیاں لگائیں، کوئی سیاسی جماعت 14 اگست پر احتجاج کیسے کر سکتی ہے، جامعات کو سوال اٹھانا چاہئے کہ 14 اگست کی تکریم بحال رکھی جائے۔ ان کا مزید کہنا تھا کہ وفاقی حکومت کے بارے میں چہ مگوئیاں بے مقصد ہیں، حکومت کا رخ درست سمت میں ہے، معیشت بہتر ہو رہی ہے، 2018 سے 2021 تک معیشت بہت خراب ہوئی، خواجہ آصف میرے بہت محترم ہیں، جب مجھے وفاقی کابینہ میں ساتھ لیا تو میں  نے کہا مجھے خواجہ آصف کے ساتھ رہنے دیں، خواجہ آصف نے کوئی بات کی تو اس میں بڑی وجہ ہو گی، تمام سرکاری ملازم، ڈاکٹرز، میڈیا کے لوگ برے نہیں ہو سکتے۔