سبزیوں کی قیمتیں قابو سے باہر،چکن بھی 11 روپے کلو مہنگا

08-10-2025

(لاہور نیوز) مارکیٹ میں سبزیوں کی قیمتیں غریب عوام کی پہنچ سے باہر ہوگئیں، دکانداروں نے سرکاری نرخ نامے کو نظرانداز کر دیا، برائلر گوشت 11روپے فی کلو مہنگا کر دیا گیا۔

سرکاری نرخ نامے میں ٹماٹر کے نرخ میں پانچ روپے فی کلو اضافہ کر دیا گیا۔ ٹماٹر کا سرکاری نرخ 95 روپے کلو مقرر ہے جبکہ مارکیٹ میں درجہ اول ٹماٹر 140 روپے کلو تک فروخت ہو رہا ہے۔ آلو کا سرکاری نرخ 85 روپے کلو مقرر ہے لیکن مارکیٹ میں آلو 100 روپے کلو بک رہا ہے۔ پیاز کا سرکاری نرخ بدستور 60 روپے کلو مقرر ہے البتہ مارکیٹ میں پیاز 80 روپے کلو تک فروخت ہو رہا ہے، لہسن چائنہ کا سرکاری نرخ 270 روپے کلو مقرر ہے مگر مارکیٹ میں لہسن 350 روپے کلو تک ہے۔ ادرک چائنہ کا نرخ دس روپے اضافے سے 490 روپے کلو مقرر ہے لیکن مارکیٹ میں ادرک 600روپے کلو تک ہے۔ لیموں بغیر بیج کا ریٹ 150 روپے کلو مقرر ہے، مارکیٹ میں لیموں 200روپے کلو تک فروخت کیا جا رہا ہے۔ بھنڈی 200،کدو 180 اور شملہ مرچ 230روپے کلو فروخت ہو رہے ہیں۔  برائلر کے گوشت نرخ میں 11 روپے فی کلو اضافہ کر دیا گیا۔ برائلر گوشت کا نرخ 588 روپے کلو مقرر کیا گیا ہے۔ فارمی انڈے دو روپے اضافے سے 286 روپے فی درجن ہیں۔