حلقہ این اے 129: دو امیدواروں کے کاغذات نامزدگی کی جانچ پڑتال مکمل
08-08-2025
(لاہور نیوز) صوبائی دارالحکومت میں میاں اظہر کی وفات سے خالی ہونے والی قومی اسمبلی کی نشست حلقہ این اے 129 کے ضمنی الیکشن کیلئے کاغذات نامزدگی کی سکروٹنی شیدول کے مطابق جاری ہے، دو امیدواروں کے کاغذات نامزدگی کی جانچ پڑتال مکمل ہو گئی۔
مسلم لیگ ن کے رہنما حافظ نعمان کے کاغذات نامزدگی کی جانچ پڑتال کا عمل مکمل ہو گیا، حافظ نعمان نے ریٹرننگ افسر (آر او) کے روبرو پیش ہو کر کاغذات نامزدگی کی جانچ پڑتال مکمل کروائی۔ اسی طرح مسلم لیگ کے سید علی سرور گیلانی کے کاغذات نامزدگی کی سکروٹنی مکمل ہو گئی، جس کے بعد ان کے کاغذات نامزدگی بھی منظور کر لئے گئے ہیں، امیداروں کے کاغذات نامزدگی کی جانچ پڑتال دس اگست تک جاری رہے گی۔