17کروڑ رشوت لینے کا الزام، ایڈیشنل ڈپٹی کمشنر ریونیو گرفتار

08-08-2025

(لاہور نیوز) ایڈیشنل ڈپٹی کمشنرریونیو سیالکوٹ اقبال سنگھیڑا کو کرپشن کے الزام میں گرفتار کر لیا گیا جبکہ چھاپہ مار ٹیم نے لاہور میں ملزم کے گھر سے پیسوں سے بھری گاڑی بھی برآمد کر لی۔

ذرائع اینٹی کرپشن کے مطابق اے ڈی سی آر  نے ہاؤسنگ سوسائٹی کے این اوسی کے بدلے مبینہ طور پر 17 کروڑ روپے کی رشوت لی، زاہد جاوید نامی شہری کی درخواست پر یہ کارروائی عمل میں لائی گئی ہے۔ ذرائع اینٹی کرپشن نے مزید بتایا کہ 17 کروڑ میں سے 13 کروڑ روپے ملزم کے قبضہ سے ریکور کر لیے گئے ہیں جبکہ مزید 4  کروڑ روپے کی برآمدگی کیلئے چھاپے مارے جا رہے ہیں۔