پاکستان علماء کونسل کی اپیل پر خطبات جمعہ میں یوم آزادی پر روشنی ڈالی جائیگی

08-07-2025

(لاہور نیوز) پاکستان علماء کونسل کی اپیل پر 8 اگست جمعۃ المبارک کو یوم آزادی کے موضوعات پر روشنی ڈالی جائے گی۔

علما و مشائخ خطبات جمعہ میں پاکستان کی آزادی و خود مختاری، وحدت، اتحاد، معرکہ حق کی عظیم کامیابی کے عنوان پر خطاب کریں گے۔ چیئرمین پاکستان علما کونسل حافظ محمد طاہر محمود اشرفی نے علماء و مشائخ اور خطباء سے اپیل کی ہے کہ وہ 8 اگست کے خطبات جمعہ میں معرکہ حق، قومی وحدت و اتحاد، یکجہتی اور استحکام پاکستان کے عنوان پر بیان کریں۔ حافظ طاہر محمود اشرفی نے کہا کہ علما کرام جمعۃ المبارک کی نماز کے بعد پاکستان کی سلامتی و استحکام اور معاشی ترقی کیلئے خصوصی دعاؤں کا اہتمام کریں۔