وزیر اعظم 31 اگست کو شنگھائی تعاون تنظیم کانفرنس میں شرکت کریں گے

08-07-2025

(لاہور نیوز) وزیر اعظم شہباز شریف 31 اگست کو چین روانہ ہوں گے، جہاں وہ شنگھائی تعاون تنظیم (SCO) کی اہم کانفرنس میں پاکستان کی نمائندگی کریں گے۔

چین میں 4 ستمبر کو پاکستان کی جانب سے B2B انویسٹمنٹ کانفرنس منعقد کرنے کا فیصلہ کیا گیا ہے، بیجنگ میں اس کانفرنس کی میزبانی پاکستانی سفارت خانہ اور ایس آئی ایف سی کریں گے۔ حکومت کی جانب سے تمام صوبوں کو ہدایت کی گئی ہے کہ چین میں پیش کیے جانے والے سرمایہ کاری منصوبے فوری فراہم کریں۔ وزیراعظم خود B2B کانفرنس سے پہلے بریفنگ سیشن میں منصوبے ریویو کریں گے، اس سلسلے میں چیف سیکرٹریز کو منصوبوں کے سکوپ اور سرمایہ کاری کی تفصیلات پر بریفنگ دینے کی ہدایت کی گئی ہے۔ چین میں پیش کیے جانے والے منصوبوں میں ٹیکسٹائل، ایگریکلچر اور آئی ٹی سیکٹر شامل ہیں، پاکستان کی جانب سے فارما، آئرن سٹیل، کیمیکلز اور پاور سٹوریج میں سرمایہ کاری کی پیشکش متوقع ہے، اس حوالے سے وزیر اعظم آفس کی ہدایت پر صوبوں سے منصوبے طلب کئے گئے ہیں، دریں اثنا سپیشل انویسٹمنٹ فیسلیٹیشن کونسل (ایس آئی ایف سی) نے کانفرنس کو کامیاب بنانے کے لیے رابطے تیز کر دیے ہیں۔ بیجنگ میں سرمایہ کاری کانفرنس، پاکستان اور چین کے کاروباری تعلقات میں نیا باب ثابت ہو گا،  اس سلسلے میں چیف سیکرٹریز براہ راست وزیر اعظم کو منصوبوں پر بریفنگ دیں گے، انویسٹمنٹ کانفرنس میں پاکستان کی 8 بڑی صنعتوں کو فروغ دینے کا موقع ملے گا، ایس آئی ایف سی کے تحت ہونے والی یہ پہلی B2B سرمایہ کاری کانفرنس ہو گی۔