سسٹم مکمل فعال نہ ہونے سے پراپرٹی ٹیکس وصولی کا مکمل آغاز نہ ہو سکا

08-07-2025

(لاہور نیوز) مالی سال کے آغاز کو 36 روز گزر گئے، تاحال پراپرٹی ٹیکس وصولی کا مکمل آغاز نہ ہو سکا۔

ٹیکس دہندگان کو چالان بھجوانے کا سسٹم مکمل طور پر فعال نہ ہو سکا، پراپرٹی ٹیکس ڈی سی ریٹ پر منتقلی سےسسٹم جزوی  طور پرکچھ اضلاع میں فعال ہوا تاہم متعدد زونز میں پرنٹنگ سسٹم مکمل اپڈیٹ نہ ہونے سے چالان کا اجرا تاخیر کاشکار ہے۔ ایکسائزذرائع کے مطابق گزشتہ مالی سالوں میں پہلےہفتےسےچالانزجاری کرکےوصولیاں شروع ہو جاتیں اور ہمیشہ مالی سال کے پہلے ماہ کے دوران ہی 4 سے 5 ارب روپے کی وصولیاں کر لی جاتی تھیں۔ 30 ستمبر تک رعایتی پریڈہوتاہےجس میں50فیصدزائدپراپرٹی ٹیکس اداکردیاجاتاہے، گزشتہ مالی سال میں ایکسائز نے 20 ارب کے قریب پراپرٹی ٹیکس وصول کیا تھا۔ ایکسائزحکام  نے بتایا کہ رواں مالی سال میں 25 سے 30 ارب کی وصولی متوقع ہے، ماہ جولائی میں پراپرٹی ٹیکس کی وصولی نہ ہونے کے برابر ہے، ذائع کے مطابق رواں مالی سال میں ہدف بھی زیادہ ہے اور یونٹس بھی 18 لاکھ سے بڑھ کر ساڑھے 24 لاکھ تک پہنچ چکے ہیں۔