مرغی کا گوشت مزید مہنگا، 569 روپے فی کلو ہو گیا

08-07-2025

(لاہور نیوز) شہر کی منڈیوں میں گرانفروشوں کا راج برقرار ہے، سبزیوں اور پھلوں کی قیمتیں غریب کی پہنچ سے دور ہو گئیں۔

مرغی کا گوشت مزید 9 روپے مہنگا ہو کر 569 روپے کا کلو ہو گیا، زندہ برائلر کی قیمت میں بھی 6 روپے اضافہ ہوا، ہول سیل میں قیمت 379، پرچون میں 393 روپے کلو مقرر ہو گیا، انڈے 1 روپیہ اضافے کے بعد 282 روپے کے درجن ہو گئے، پیٹی 8 ہزار 340 روپے میں فروخت ہو رہی ہے۔ ادھر پیاز 100، ٹماٹر 120، لہسن 380، ادرک 580، سبز مرچ 160، لیموں 400 روپے کلو میں فروخت ہونے لگے، ٹینڈے 350، آلو 120، کریلے 200، پالک 140، گوبھی 220، بھنڈی 230 اور شملہ مرچ 260 روپے کی کلو ہو گئی۔ پھلوں میں کیلا 250 روپے کا درجن، پپیتا 580، سیب، آڑو اور خوبانی 380، آم 350 اور ناشپاتی 280 روپے کلو میں دستیاب ہے۔