وزیر اعظم کا دفتری اوقات کار اور وقت کی پابندی نہ کرنیوالے وزرا کیلئے سخت حکم

08-06-2025

(لاہور نیوز) وزیر اعظم شہباز شریف نے دفتری اوقات کار اور وقت کی پابندی نہ کرنے کا سخت نوٹس لے لیا۔

سیکریٹری کابینہ ڈویژن  نے وزیر اعظم کے احکامات پر تمام وفاقی وزارتوں اور ڈویژنز کو خط لکھ دیا، جس میں کہا گیا ہے کہ مختلف وزارتوں، ڈویژنز،اداروں میں دفتری اوقات اور وقت کی پابندی نہ کرنے پرنوٹس لیا گیا۔ خط میں لکھا گیا ہے کہ وزیر اعظم  نے تمام افسران اور ملازمین کو دفتری اوقات کی سختی سے پاسداری کرنےکا حکم دیا ہے اور مزید کہا کہ سیکریٹریز اور اداروں کے سربراہان لازمی خود وقت کی پابندی کی مثال قائم کریں۔