لاہور میں ڈینگی کے مزید دو مریض سامنے آ گئے

08-06-2025

(لاہور نیوز) لاہور میں ڈینگی بخار کے خطرات میں اضافہ ہونے لگا ہے۔

شہر میں ڈینگی کے مزید 2 مریضوں کی تصدیق ہو گئی ہے، جس کے بعد محکمہ صحت  نے احتیاطی تدابیر پر عملدرآمد کی ہدایت جاری کر دی ہے۔ علامہ اقبال ٹاؤن ،داتا گنج بخش ٹاؤن سے ڈینگی کا 1-1 مریض رپورٹ ہوا، شہر میں رواں سال میں ڈینگی کے 54 مریضوں کی تصدیق ہو چکی ہے۔ پے در پے بارشوں سے شہر میں مچھروں کی افزائش بڑھنے لگی ہے، مچھروں کی بہتات سے ڈینگی کیسز بڑھنے کا خدشہ ہے۔