نامور اداکار انور علی شدید علالت کے باعث ہسپتال میں داخل

08-06-2025

(لاہور نیوز) سٹیج، ٹی وی اور فلم کے نامور اداکار انور علی پھیپھڑوں اور گردوں کی بیماری میں شدید علالت کے باعث اتفاق ہسپتال میں داخل ہو گئے۔

تفصیلات  کے مطابق انور علی ایک عرصہ سے شوبز انڈسٹری چھوڑ چکے ہیں، انہوں  نے سینکڑوں سٹیج ڈراموں، پی ٹی وی کے ڈراموں میں کام کیا ہے۔ 65 سالہ انور علی پھیپھڑوں اور گردوں کے عارضے میں مبتلا ہیں، ماضی کے اداکار انور علی جنہیں آپ نے 70، 80 اور 90 کی دہائی میں کئی ڈراموں میں مزاحیہ اداکاری کرتے دیکھا ہو گا۔ پاکستانی شائقین  نے انہیں ڈرامہ اندھیرا اجالا، ابابیل اور ہوم سویٹ ہوم میں ان کو اداکاری کرتے دیکھا، سٹیج ڈراموں میں بھی کام کرتے رہے، اب کافی عرصہ سے شوبز کی دنیا کو خیرباد کہہ کر دین کے راستے کو اپنا چکے تھے۔