چینی کی مہنگے داموں فروخت،566 دکانداروں کیخلاف کارروائی

08-06-2025

(لاہور نیوز) چینی کے مقرر کردہ سرکاری نرخوں پرعملدرآمد نہ کرنے والوں کیخلاف کریک ڈاؤن جاری ہے۔

ترجمان پرائس کنٹرول پنجاب نے بتایا کہ گزشتہ 24 گھنٹوں کے دوران 566 دکانداروں کیخلاف چینی کی قیمتوں میں ناجائز منافع خوری پر کارروائیاں کی گئیں، پنجاب بھر میں 73 افراد گرفتار، 05 کیخلاف مقدمات درج، 496 افراد کو جرمانے عائد کیے گئے۔  اب تک 28 ہزار 328 افراد کیخلاف کارروائیوں میں 1899 افراد گرفتار، 330 کیخلاف مقدمات درج کروائے جا چکے ہیں۔ ترجمان کے مطابق لاہور ڈویژن میں 89 گراں فروشوں کیخلاف کارروائیاں کی گئی ہیں، گوجرانوالہ ڈویژن میں106 اور فیصل آباد میں 72 دکانداروں کیخلاف چینی کے نرخوں کی خلاف ورزی پر کارروائیاں کی گئیں۔ ساہیوال ڈویژن میں 19، سرگودھا 36 ، راولپنڈی میں 67 گراں فروشوں کیخلاف کارروائیاں کی گئیں۔ بہاولپور ڈویژن میں 68 ،ڈی جی خان 40 اور ملتان میں 69 دکانداروں کیخلاف کارروائیاں کی گئیں۔