خواتین کرکٹرز کیلئے سینٹرل کنٹریکٹ کا اعلان، معاوضوں میں 50 فیصد اضافہ

08-06-2025

(لاہور نیوز) پاکستان کرکٹ بورڈ (پی سی بی) نے خواتین کرکٹرز کے لیے سینٹرل کنٹریکٹ 26-2025 کا اعلان کر دیا۔

سینٹرل کنٹریکٹ میں کھلاڑیوں کو 5 کیٹگریز میں تقسیم کیا گیا ہے اور تمام کیٹگریز میں کھلاڑیوں کے معاوضوں میں 50 فیصد اضافہ کیا گیا ہے۔ آئی سی سی ٹی 20 رینکنگ کی نمبر ون بولر سعدیہ اقبال کو کیٹگری "اے" میں شامل کیا گیا ہے، ان کے ساتھ فاطمہ ثنا، منیبہ علی اور سدرہ امین بھی کیٹگری اے میں جگہ بنانے میں کامیاب رہی ہیں۔ کیٹگری "بی" میں عالیہ ریاض، ڈیانا بیگ اور نشرا سندھو کو شامل کیا گیا ہے جبکہ کیٹگری "سی" کا واحد کنٹریکٹ رامین شمیم کو دیا گیا ہے۔ کیٹگری "ڈی" میں 10 کھلاڑی شامل ہیں جن میں گل فیروزہ، نجیہ علوی، نتالیہ پرویز، عمائمہ سہیل، صدف شمس، سدرہ نواز، عروب شاہ، طوبیٰ حسن، ام ہانی اور وحیدہ اختر کے نام شامل ہیں۔ پی سی بی نے اس بار ابھرتی ہوئی خواتین کرکٹرز کے لیے "ایمرجنگ کیٹگری" بھی متعارف کرائی ہے جس میں نوجوان کھلاڑی ایمان فاطمہ اور شوال ذوالفقار کو کنٹریکٹ دیا گیا ہے۔