پارلیمنٹ کیفے ٹیریا، سپیکر کا کھانے سے لال بیگ نکلنے پر سخت نوٹس، ٹھیکہ منسوخ

08-05-2025

(لاہور نیوز) سپیکر قومی اسمبلی ایاز صادق نے پارلیمنٹ کیفے ٹیریا کے کھانے سے لال بیگ نکلنے کا سخت نوٹس لیتے ہوئے انتظامیہ کا کنٹریکٹ منسوخ کر دیا۔

ذرائع کے مطابق ترجمان قومی اسمبلی نے پارلیمنٹ کیفے ٹیریا کے انتظامیہ کا کنٹریکٹ منسوخ کیے جانے کی تصدیق کر دی، سپیکر قومی اسمبلی سردار ایاز صادق  نے پارلیمنٹ کیفے ٹیریا کے کھانے سے لال بیگ نکلنے کا نوٹس لیتے ہوئے انتظامیہ کا کنٹریکٹ منسوخ کر دیا تھا۔ سپیکر قومی اسمبلی نے اراکین پارلیمنٹ کے ساتھ ساتھ سٹاف کے لیے بھی کیفے ٹیریا کا کنٹریکٹ منسوخ کر دیا ہے، دوسری جانب اسمبلی حکام  نے بتایا ہے کہ کھانے سے کاکروچ نکلنے کا واقعہ 10 دن پرانا ہے جبکہ اچھی شہرت کے حامل نئے کنٹریکٹر کو ٹھیکہ دیا گیا ہے۔ خیال رہے کہ چند روز قبل سوشل میڈیا پر ایک ویڈیو وائرل ہوئی، جو ایک رکن اسمبلی نے بنائی جس میں چند لال بیگ روٹی کے ارد گرد گھومتے دکھائی دے رہے تھے، ارکان اسمبلی نے پارلیمنٹ کیفے ٹیریا کے کھانے سے لال بیگ نکلنے پر برہمی کا اظہار کرتے  ہوئے لابی میں صفائی کی صورتحال پر تشویش کا اظہار کیا تھا۔