پنجاب ایجوکیشن فاؤنڈیشن نے پارٹنرز سکولوں کیلئے نئے ایس او پیز جاری کر دیئے

08-05-2025

(لاہور نیوز) پنجاب ایجوکیشن فاؤنڈیشن نے اپنے پارٹنرز سکولوں کے لئے نئے ایس او پیز جاری کر دیئے ہیں۔

پیف حکام  کے مطابق مڈل ،سکینڈری سکولوں میں طالبات کیلئے فی میل ،طلبا کیلئے میل ٹیچر ہو گا، سکولوں میں فوری طور پر سکیورٹی گارڈ رکھے جائیں، طلبا کو محفوظ ماحول یقینی بنانے کیلئے سی سی ٹی وی کیمرے لگائے جائیں۔ جاری کردہ مراسلہ کے مطابق اساتذہ ،سٹاف ،طلبا کے درمیان غیر ضروری رابطے کی حوصلہ شکنی کی جائے، چھٹی کے بعد طلبا کو سکول میں بلا جواز روکنے سے منع کیا جائے، والدین کے انتظار کے لئے مناسب جگہ رکھی جائے۔ پیف حکام کے مطابق  کسی سکول میں غیر اخلاقی، قابل اعتراض حرکت کی شکایت نہ ہو، شکایت ہوئی تو مذکورہ لائسنس ہولڈر کیخلاف کارروائی ہو گی۔