صبا قمر کے ہسپتال میں داخل ہونے کی وجہ سامنے آگئی

08-05-2025

(ویب ڈیسک) پاکستان شوبز کی اداکارہ صبا قمر کو گزشتہ دنوں ہسپتال میں کیوں داخل ہونا پڑا تھا؟اس کی وجہ سامنے آگئی ہے۔

گزشتہ دنوں شوٹنگ کے دوران اچانک طبیعت خراب ہونے کے باعث اداکارہ صبا قمر کو لاہور کے ایک نجی ہسپتال میں داخل کیا گیا تھا۔ ذرائع کے مطابق اداکارہ کے اہلِ خانہ کا کہنا ہے کہ اداکارہ کو سانس لینے میں دشواری ہوئی اور دمہ کی شکایت لاحق ہوئی، جس کے باعث انہیں فوری طبی امداد کی ضرورت پڑی۔ ہسپتال میں ڈاکٹروں نے صبا قمر کا مکمل طبی معائنہ کیا اور ضروری ٹیسٹ کیے۔ اداکارہ کے اہل خانہ کے مطابق ڈاکٹروں نے انہیں ایک ماہ آرام کرنے کا مشورہ دیا ہے تاکہ وہ مکمل صحت یاب ہو سکیں۔