فٹنس مسائل: ایتھلیٹ ارشد ندیم ڈائمنڈ لیگ سے باہر ہوگئے

08-05-2025

(لاہور نیوز) پاکستان ایتھلیٹکس کے لیے بڑا جھٹکا، ایتھلیٹ ارشد ندیم فٹنس مسائل کے باعث ڈائمنڈ لیگ سے باہر ہوگئے۔

ذرائع کے مطابق ارشد ندیم کے ڈاکٹر نے ان کو ڈائمنڈ لیگ میں حصہ لینے سے منع کردیا۔ ارشد ندیم کا بحالی پروگرام انگلینڈ میں جاری ہے۔ ارشد ندیم نے اپنی ٹانگ پر وزن ڈالنا شروع کردیا ہے۔  ڈاکٹر کے مطابق ارشد ندیم کی حالیہ انجری انتہائی سنجیدہ نوعیت کی ہے۔ ڈاکٹر علی شیر باجوہ نے انگلینڈ کیمبرج میں ارشد ندیم کی سرجری کی تھی۔ سرجری کے بعد ارشد ندیم کا بحالی پروگرام انگلینڈ میں ہی جاری ہے۔ ڈاکٹر باجوہ کا کہنا ہے کہ ارشد ندیم کی حالیہ انجری بالکل نئی اور سنجیدہ نوعیت کی ہے ، ارشد ندیم کی ورلڈ ایتھلیٹکس میں شرکت بھی ان کے بحالی پروگرام سے مشروط ہے، ارشد ندیم کا بحالی پروگرام مکمل ہونے پر ہی ان کی ورلڈ ایتھلیٹکس چیمپئن شپ میں شرکت کا فیصلہ کیا جائے گا۔