یوم شہدائے پولیس: آئی جی کی ڈی آئی جی کیپٹن سید احمد مبین شہید کی قبر پر حاضری

08-04-2025

(لاہور نیوز) آئی جی پنجاب ڈاکٹر عثمان انور نے ڈی آئی جی کیپٹن (ر) سید احمد مبین شہید کی قبر پر حاضری دی۔

آئی جی پنجاب ڈاکٹر عثمان انور  نے شہید کیپٹن (ر) سید احمد مبین کی قبر پر پھولوں کی چادر چڑھائی اور ان کے درجات کی بلندی کیلئے فاتح خوانی کی، اس موقع پر اے آئی جی ایڈمن اینڈ سکیورٹی ڈاکٹر اسد اعجاز ملہی اور دیگر افسران بھی موجود تھے۔ آئی جی پنجاب، ڈی آئی جی کیپٹن (ر) سید احمد مبین شہید کی رہائش گاہ بھی گئے، جہاں انہوں نے شہید ڈی آئی جی کی والدہ سمیت دیگر اہلخانہ سے ملاقات کی اور شہید کی عظیم قربانی کو خراج عقیدت پیش کیا۔  آئی جی پنجاب نے کہا کہ ڈی آئی جی کیپٹن ریٹائرڈ سید احمد مبین بہترین انسان اور پروفیشنل افسر تھے۔