وزیر اعظم کی لیفٹیننٹ جنرل (ر) محمد سعید کو چیئرمین واپڈا تعیناتی پر مبارکباد

08-04-2025

(لاہور نیوز) وزیر اعظم محمد شہباز شریف سے لیفٹیننٹ جنرل ریٹائرڈ محمد سعید کی ملاقات ہوئی۔

وزیر اعظم محمد شہباز شریف نے لیفٹیننٹ جنرل ریٹائرڈ محمد سعید کو وفاقی کابینہ کی منظوری سے چیئرمین واپڈا تعیناتی پر مبارکباد دی۔ شہباز شریف نے لیفٹیننٹ جنرل ریٹائرڈ محمد سعید کیلئے نیک خواہشات کا اظہار کیا اور کہا کہ امید ہے وہ بطور چیئرمین واپڈا اپنے فرائض احسن طریقے سے سر انجام دیں گے۔ وزیر اعظم کے ساتھ لیفٹیننٹ جنرل ریٹائرڈ محمد سعید کی ملاقات میں نائب وزیر اعظم محمد اسحاق ڈار بھی شریک تھے۔