حکومت نے سرکاری ملازمین کیلئے جی پی فنڈ کے شرحِ منافع میں کم کر دی

08-01-2025

(لاہور نیوز) حکومت کی جانب سے سرکاری ملازمین کی جی پی فنڈ پر شرح منافع میں کمی کر دی گئی، اب سرکاری ملازمین کو پچھلے سال کے مقابلے میں کم منافع ملے گا۔

مالی سال 2024-25 کیلئے شرح 12.46 فیصد مقرر کی گئی ، جی پی فنڈ میں سرکاری ملازمین کو کم منافع ملے گا،وفاقی وزارتِ خزانہ نے جی پی فنڈ کی شرحِ منافع کم کر دی، شرح کم ہونےسے ملازمین کی سالانہ آمدنی پر منفی اثر پڑے گا۔ 2022-23 میں شرح 14.22 فیصد، 2023-24 میں 13.97 فیصدرہی،2024-25کیلئے 12.46 فیصد  کرنے سے  ملازمین کی آمدنی میں کمی کا خدشہ ہے۔ واضح رہے سرکاری ملازمین  نے جی پی فنڈ کی آمدن پر بہت سی توقعات وابستہ کی ہوتی ہیں جبکہ ریٹائرمنٹ یا دوران ملازمت انہیں پیسوں کی ضرورت محسوس ہوتی ہے تو وہ جی پی فنڈ نکلوا کر اپنی ضروریات پوری کر لیتے ہیں۔