چینی کی مقررہ نرخوں پر عدم فروخت، پنجاب بھر میں 299 افراد گرفتار

08-01-2025

(لاہور نیوز) چینی کے مقرر کردہ نرخوں پر عملدرآمد نہ کرنے والوں کیخلاف کریک ڈاؤن جاری ہے۔

ترجمان پرائس کنٹرول کا کہنا ہے کہ  گزشتہ 24 گھنٹوں کے دوران 2075 دکانداروں کیخلاف چینی کی قیمتوں میں ناجائز منافع خوری پر کارروائیاں کی گئیں، پنجاب بھر میں 299 افراد گرفتار، 66 کیخلاف مقدمات درج، 1776 افراد کو جرمانے عائد کیے گئے۔  اب تک 21 ہزار 58 افراد کیخلاف کارروائیوں میں 1256 افراد گرفتار، 172 کیخلاف مقدمات درج کروائے گئے ہیں۔ لاہور ڈویژن میں 97 گراں فروشوں کیخلاف کارروائیاں کی گئیں، 07 گرفتار ،01 دکاندار کیخلاف مقدمہ درج کروایا گیا ۔ گوجرانولہ ڈویژن میں91 اور فیصل آباد میں 75 دکانداروں کیخلاف چینی کے نرخوں کی خلاف ورزی پر کارروائیاں کی گئیں، ساہیوال ڈویژن میں 14، سرگودھا 32 ، راولپنڈی میں 1466 گراں فروشوں کیخلاف کارروائیاں کی گئیں، بہاولپور ڈویژن میں 125 ،ڈی جی خان 71، ملتان میں 104 چینی گراں فروشوں کیخلاف کارروائیاں کی گئیں۔