لاہور میں تعلیمی سرگرمیوں کا آغاز 18 اگست سے ہو گا

07-31-2025

(لاہور نیوز) گرمیوں کی تعطیلات کے بعد لاہور میں تعلیمی سرگرمیوں کا آغاز 18 اگست بروز پیر سے ہو گا۔

پندرہ اگست کو شہر بھر میں چہلم اور داتا دربار کے عرس کے باعث چھٹی ہو گی، سولہ اور سترہ اگست کو سکولوں میں ہفتہ، اتوار کی چھٹی ہو گی۔ محکمہ سکول ایجوکیشن نے 14 اگست سے تعلیمی ادارے کھولنے کا اعلان کر رکھا ہے، چودہ اگست کو سکول صرف جشن آزادی کی تقریبات کے سلسلے میں کھلیں گے، 14 اگست سے قبل تعلیمی ادارے کسی صورت کھولنے کی اجازت نہیں ہو گی۔ تین چھٹیاں آنے کے باعث شہر بھر کے سکولوں میں باقاعدہ طور پر تعلیمی سرگرمیوں کا آغاز 18 اگست سے ہو گا، چھٹیوں کے بعد سکولوں کے اوقات کار صبح ساڑھے سات سے ڈیڑھ بجے تک ہونگے۔