فارسٹ گارڈز ہمارے ماحولیاتی ہیرو ہیں: وزیراعلیٰ مریم نوازشریف

07-31-2025

(لاہور نیوز) وزیراعلیٰ پنجاب مریم نوازشریف نے کہا ہے کہ فارسٹ گارڈز ہمارے ماحولیاتی ہیرو ہیں۔

وزیراعلیٰ پنجاب مریم نوازشریف نے فارسٹ رینجرز کے عالمی دن پر اپنے خصوصی پیغام میں کہا ہے کہ فارسٹ رینجرز کا دن منانے کا مقصد جنگلات کے تحفظ کے لئے اقدامات پر عوامی شعور بیدار کرنا ہے، جنگلات کے تحفظ کے لیے رینجرز کی خدمات قابل تحسین ہیں ۔ مریم نواز شریف نے کہا کہ جنگلات کا تحفظ قومی مفاد کا معاملہ ہے، عوام کو رینجرز سے بھرپور تعاون کرنا چاہیے، پنجاب میں فارسٹ رینجرز جنگلات کے تحفظ میں قابل قدر کردار ادا کر رہے ہیں، قدرتی وسائل کے تحفظ میں رینجرز کی خدمات ناقابلِ فراموش ہیں۔ انہوں نے کہا کہ پنجاب میں ماحولیاتی توازن کی بحالی میں فارسٹ رینجرز کا کردار انتہائی اہم ہے، رینجرز کی تربیت اور کارکردگی میں مزید بہتری پنجاب حکومت کا عزم ہے،حکومتِ پنجاب، عوام اور رینجرز مل کر سرسبز پاکستان کے لیے کوشاں ہیں۔