پاکستان سٹاک مارکیٹ میں ٹریڈنگ کا مثبت زون میں آغاز

07-30-2025

(لاہور نیوز) پاکستان سٹاک مارکیٹ میں ٹریڈنگ کا مثبت زون میں آغاز ہوا ہے۔

کاروباری ہفتے کے تیسرے روز بھی کاروبار کے آغاز پر سٹاک ایکسچینج میں تیزی دیکھنے میں آئی، 1000 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 39 ہزار 18 پوائنٹس کی سطح پر پہنچ گیا۔ واضح رہے کہ گزشتہ کاروباری دن کے اختتام پر 1415 پوائنٹس کی کمی کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 37 ہزار 964 پوائنٹس کی سطح پر بند ہوا تھا۔ دوسری جانب انٹربینک میں امریکی کرنسی 20 پیسے سستی ہوئی، ڈالر 283.05 روپے سے کم ہو کر 282.85 روپے پر آ گیا۔