گاڑیوں کی رجسٹریشن کا نیا نظام، اب مالک کے نام پرنمبر پلیٹ جاری ہوگی

07-29-2025

(ویب ڈیسک) گاڑیوں اورموٹرسائیکلوں کی نمبر پلیٹس کےحوالے سے بڑا فیصلہ، اب گاڑی کو نمبر پلیٹ جاری نہیں ہوگی بلکہ مالک کےنام پرنمبر پلیٹس جاری ہوں گی۔

پنجاب میں جتنی گاڑیاں یاموٹرسائیکلیں رجسٹرڈ ہوں گی مالکان کےنام پررجسٹرڈ ہوں گی۔ ایکسائزحکام کے مطابق گاڑی ٹرانسفرکروانے کی صورت میں نمبر پلیٹ اتارکر پرانا مالک اپنے پاس رکھے گا۔  خریدارکو نیا نمبرالاٹ ہوگا یا پہلےسے موجود خریدارکے پاس نمبرپلیٹ آویزاں کرسکےگا، نمبرپلیٹس ہولڈرز مرضی سے پرانا نمبرسرنڈرکرکےنیا نمبرنئی گاڑی کیلئےخرید سکیں گے۔ نمبرپلیٹس کیٹگریز کے مطابق موٹرسائیکل اورگاڑی کوآویزاں کیا جا سکے گا،پرانی نمبرپلیٹس آویزاں کرنے پر معمولی500  سے8 ہزارتک اضافی فیس ادا کرنا ہوگی۔ نئے نظام سے متعلق قوانین میں ترامیم و رولز بنا کر سمری حکومت کو بھجوا دی گئی ،اگلے ماہ کے پہلے ہفتے سے نئے نظام پر عملدرآمد شروع کردیا جائے گا،سکیورٹی ایشوز کی وجہ سےنمبرز کی گاڑی کی بجائے مالکان کے نام پرمنتقلی کی جا رہی ہے۔