کرایہ داری ایکٹ کی خلاف ورزی پر کارروائیاں، 163 افراد گرفتار

07-29-2025

(لاہور نیوز) لاہور پولیس نے کرایہ داری ایکٹ کی خلاف ورزی پر 163 افراد کو گرفتار کیا اور 92 مقدمات درج کئے۔

سی سی پی او بلال صدیق کمیانہ کے مطابق رواں سال اب تک مجموعی طور پر 2,007 ملزمان کو گرفتار جبکہ 1,153 مقدمات درج کئے جا چکے ہیں۔ انہوں نے کہا کہ کرایہ داروں کا پولیس ریکارڈ میں اندراج نہ کروانے والے مالکان کے خلاف کریک ڈاؤن جاری ہے، ٹیننٹ رجسٹریشن سسٹم میں اندراج کی ذمہ داری مالک مکان اور کرایہ دار دونوں پر عائد ہوتی ہے۔ انہوں  نے ہدایت کی کہ تمام ایس ایچ اوز مالکان سے ٹیننٹ رجسٹریشن یقینی بنوائیں، رجسٹریشن کے اس عمل سے نہ صرف نجی ملازمین اور کرایہ داروں کا پولیس ریکارڈ بہتر ہوا ہے بلکہ اشتہاری عناصر کے خلاف بھی مؤثر کارروائی ممکن ہو سکی ہے۔